Nýggjasta føroyska parfuman er av slagnum eau de parfum og angar av føroysku blómuni blákollu.
Parfuman angar eisini av grann, jasmin og rósu. Tað, sum er heldur serstakt við júst hesum angum, er, at teirr eru ikki so sterkir, men teir blandast væl við tí natúrliga anganum hjá einum persóni. Á henda hátt gerst angin serstakur alt eftir, hvør nýtir parfumuna.
Okkara mál er, at góðskan á vøruni er av tí allarbesta, og tískil er júst hendan parfuman av slagnum eau de parfum, sum verður mett at vera av hægstu góðsku í parfumuheiminum.
Føroyingar brúka nógva parfumu, so sjálvandi skal tað vera møguligt at nýta eitt føroyskt merki, sum ímyndar føroysku kvinnuna. Eg havi brúkt nøkur ár nú upp á at skapa tann angan, sum eg meti rigga best til føroysku kvinnuna, og tað, sum sermerkir hesa nýggju parfumu, er, at angin er ikki ov sterkur, men heldur leingi kortini.
